قوم يا حبيب ابوك مافكش حاجة +++
جورج يقول : كنت عاوز احكيلكم على معجزة جميلة جدا حصلت مع ابن عمتى للبابا شنوده والبابا كيرلس ....
ابن عمتى اسمه ريمون فاروق فاتح صيدلية فى المرج عمره 27 سنه , ابتدى يحس انه ريقه على طول ناشف وعلي طول عاوز يدخل الحمام , راح حلل لقى السكر عنده عالى جدا فصام تانى يوم ونزل حلل تانى عشان يتأكد لقى النتيجه هى هى فابتدى يروح لدكتور عشان يتابع معاه فقاله نسبة السكر عاليه عندك وهاديلك نوعين من الاقراص ولو مجابوش نتيجة هانضطر نديلك انسولين , فأخد الدواء و بعدها بكام يوم كان واقف فى الصيدلية وبيتكلم مع واحد على موضوع الانتخابات فا بيقوله انت هاتنتخب مين فى انتخابات الرئاسة راح طلع له صور للبابا شنوده واداهمله وقال له : انا هانتخب ده وسابه ومشى فأخد الصور وباسها واخدها معاه فى البيت , فقبل ما ينام مسك الصورة بتاعه البابا شنوده وصورة للبابا كيرلس شفيعه وقعد يبكى ويقولهم كده سبتوا المرض بتاع السكر ده يجيلى وانا لسه صغير كده ؟؟ وكان هايدخل على موضوع ارتباط وقعد يلوم فيهم وهو بيبكى وبعدها نام, وبعد ما نام لقى البابا كيرلس جاله وخبطه بالصليب على دماغه وقال له : قوم يا حبيب ابوك انت مافكش حاجة انت سليم , وبعدها جه البابا شنوده كان معاه زجاجة زيت ورشمه بيه وبعدها حط الزجاجة على الكمودينو اللى جنب السرير وبعدها مشيوا , لما صحى افتكر انه كان بيحلم فبص جنبه لقى الزجاجة بتاعه الزيت جنبه على الكمودينو فعلا وقعد يسأل اللى فى البيت كلهم حد حط الزجاجة دى هنا ؟ ردوا عليه قالوله لا
فبعدها راح يحلل عشان يشوف فى سكر ولا لا لقى انه معندوش اى حاجة وسليم ومفيش اى اثر للسكر
وبركة صلوات ابينا القديس العظيم البابا كيرلس السادس وشفيعنا الحبيب البابا شنوده الثالث تكون معنا كلنا
امـــــــــــــــــــــــ+ـــــــــــــــــــــين +++
تعليقات
إرسال تعليق