فى يوم دخل البابا كيرلس الي صالون الاستقبال بالدور الارضي بالبطريركية المرقسية بكلوت بك فوجد مجموعة من الناس في انتظاره . وضمن هذة المجموعة الكبيرة ثلاث بنات يجلسن علي كنبة من ضمن مجموعة الصالون.
فنظر البابا ليهم وقال : قوموا من هنا يا بنات . بسرعة . فاستغربوا البنات الثلاث . لية ؟ اشمعنا احنا دون بقية الناس.
فقالت احداهم في نفسها : هو البابا عندة ناس ناس ! وهمست الثانية في اذن صديقتها وقالت : احنا معندناش واسطة عند البابا.
ولكن بعد حوالي دقيقة ونصف سقط برواز كبير فوق هذة الكنبة التي كان يجلس عليها هولاء البنات الثلاث
وهنا نظر اليهم نظرة فاحصة وقال لهم : عرفتي ليه يا بنتي قومتي من هنا انت وهي وهي . انا خايف عليكم .
يا بنتي انا معنديش ناس ناس ولا عندى وسايط . انا ابوكم وانتم بناتي.
ربنا يبارككم تعالوا اصلي لكم
بركه شفاعته تكون معنا ااامين
اوقات كتير ربنا بيعمل معانا كدة يعني ممكن يخلينا نسيب مكان بنحبه او ناس بنحبهم علشان لو قعدنا شوية ممكن حاجة تقع علينا وتجرحنا
ربنا برضو ماعندهوش ناس وناس ربنا بيحبنا وبيخاف علينا و شايف دايما الصالح لينا
تعليقات
إرسال تعليق