بالفيديو معجزة ظهور المسيح بأكليل شوك داخل اجتماع ابونا مكاري وتصفيق حار جدا من الحضور وفرحة بالاجتماع

كنت هتخطف النهاردة الساعة 9 الصبح في المترو. 

 لحد دلوقتي مش قادرة استوعب اللي حصل معايا النهاردة و مش قادرة استوعب يمكن انه حصل أصلا ..

النهاردة تقريبا كان يوم عادي زي كل يوم عندي محاضرات الصبح و نازلة و روحت المترو... 

وكالعادة مستنية صحابي في محطة مسرة انها تيجي عشان نتحرك علي المحاضرات سوا ..

 و انا قاعدة مستنية تيجي ست كبيرة في السن و بتمشي بالعافية شايفاها من بعيد بتجر في رجلها بتمشي بالعافية و تقعد عادي بعيد عني، كل ده عادي ...

و بدأت الست دي تقرب كل شوية مني و انا عادي مليش دعوة لغاية لما بدأت تقربلي و جات جانبي..

بس و فجأة. لاقتها بتكلمني فمسمعتش هي قالتي ايه فا روحت قولتها حضرتك قولتي اية !! 

فا لقيتها بتسألني انتي مسيحية !!! 

انا كنت مصدومة من السؤال أول مرة و مردتش و سكت فا هي راحت كررت السؤال مرة كمان .. 

ف انا روحت رديت قولتها اه و سكت راحت بتقولي اسمك ايه ،روحت مردتش عليها..

 ف راحت سكتت و بعديها قالتلي انا اسمي استر علي اسم الملكة استر و عاوزة اتكلم معاكي في حاجات روحية انتي اسمك اية بقي !! 

 ف كنت ساكته (وبفكر هي عاوزة ايه و مش حابة احرجها انها ست كبيرة اوي وتعبانة و اقولها انتي مالك) 

بس تقوم تقولي طيب انا هطلع السماعة من شنطتي عشان اسمعك كويس...

 بس تقوم مطلعه حاجة من الشنطة فا انا قررت ألف وشي ابص بتطلع ايه لان انا مش مرتاحة ليها، اقوم الاقيها بتعمل ايديها علي وشها و داست علي حاجة كدة كانت حطتها علي رجلها... رشت في اتجاه وشي حاجة. 

 ساعتها انا اتخضيت و قمت بسرعة من مكاني لاقيت المترو جه دخلت بسرعة ابص ورايا ادور علي الست مش موجودة ملهاش اي أثر نهائي.. 

 و بعد ما المترو يتحرك اقع جواه واغم عليا، ولما فوقت كنت دايخة جدا و بستوعب اللي حوليا بالعافية نزلت المحطة اللي بعديها بحاول افوق قعدت في محطة المترو اللي بعديها و بستوعب ..

اللي حصلي طول اليوم كان اني بتكلم بالعافية و كان في زي كتلات تراب او حاجة في زوري ..

دماغي تقيلة و بدوخ كتير و عيني بتزغلل .. معدتي كانت قالبة وعايزة ارجع!!!

افوق و فجأة ارجع اقع وادوخ تاني ..

بجمع الكلام بالعافية مكنتش بفهم الكلام كتير.. 

لغاية دلوقتي بجمع بالعافية مش كل الكلام بستوعبه..

 ملحوظة بس ((( انا مش منزلة البوست دة اخوف حد انا منزلة البوست دة عشان البنات تاخد بالها الموضوع ملهوش علاقة بالدين ده للمسلمين و المسيحيين انا منزلاه عشان الكل يخلي باله مش اكتر و الكلام دة مش بيحصل في المترو بس دة بيحصل في كل مكان مش شرط المترو ف ياريت تاخدوا بالكم من نفسكم ))) 

منقووووووووووووووووووووووول

 انشرها علي قدما تقدر ربنا يحافظ علي بناتنا واخواتنا واولادنا يارب