موضوع مهم ركزوا معايا فيه جدا
وضروري في الخدمات تعملوا يوم مخصوص تنبهوا فيه علي بناتكم في ابتدائي واعدادي وثانوي اخطار استخدام مواقع التواصل وتعرفوهم حدودهم فين
ضروري جدا جدا ارجوكم
دي استغاثه جاتلي من بنت حبيت انبه عنها علشان الكل ياحد باله
فيه مجموعة منتشره اليومين دول
بتعمل شات جنسي مفبرك بالفوتوشوب بينها وبين شخصية بيختروها عشوائي من الفيس بوك
ويبعتوا الشات المفبرك ده للشخصية دي في رساله
فطبعا البنت تستغرب وتقولهم انتوا مين وايه الكلام القذر ده
بيردوا ويقولولها ده كلامك اللي هنبعته في رساله لكل اصحابك اللي عندك علي الفيس بوك وتبقي فضيحتك بجلاجل
طبعا البت بتنهار وبتقولهم ليه كده وهتستفادوا ايه وانتوا مين اصلا انا معرفكمش
بيقولولها محدش هيصدقك الشات بأسمك وبلينك صفحتك وهيبقي شكلك وحش اوي قدامهم
طبعا البنت بتطلب منهم يمسحوا الكلام ده ، فبيوعدوها يمسحوه مقابل انهم يدردشوا معاها في امور جنسيه ،
طبعا البنت بترفض وبتقولهم هعملكم بلوك
يقولولها اوك اعمليه علشان بعدها بربع ساعه سيرتك تبقي علي كل لسان
البنت بتخاف وقلبها بيدق جامد وبتبدأ تلين معاهم وتجاوب علي كل اللي عايزينه مقابل انهم يمسحوا الشات المفبرك وتنسي انها بكده اديتهم شات حقيقي جنب المفبرك
لو انتي بنت قوية وفاهمه وناضجه ، فيه بنات لا تتعدي العشر سنوات عاملين حساب علي الفيس بوك ، وغيره وغيره
انا نقيت شوية صور محترمه نوعا ما اتبعتتلي من بنت بتستغيث من الموضوع ده
ارجوكم خلوا بالكم ، اقفلوا الفريندز اللي عندكم ان مش اي حد يعرف يوصلهم
اقفلوا خاصية الرسايل من اي حد غريب
كل بوستاتكم خلوها قاصرة علي اصحابكم وبس
صوركم الشخصية مش اي حد يشوفها وبلاش صور الكافر تكون صورة شخصية لأنها مفهاش خصوصية وبتكون للعامه كلهم
بلاش تقبلي تاج لنفسك لأن التاج بيتشاف بسهوله
احنا في زمن " وسخ " ولازم تخلوا بالكم لأن اللي عايز يعمل شر مابيغلبش
وعوا بناتكم ، اخواتكم ، زملائكم ، اولادكم في الخدمات
انشروا الموضوع ده لأنه متكرر كتير جدا ومع كذا حد اليومين دول
لو جالك شات من حد بالطريقه دي متاخديش وتدي معاه في الكلام ، بلوك علي طول
واعلى ما في خيله يركبه ...
تعليقات
إرسال تعليق