معجزة جديدة و حلوة خالص بشفاعة الشماس مارك .. عقبال كل اللي عاوز يارب
..
بتقول ..
سلام لحبيبى القديس مارك
انا ن_ع
القديس مارك عمل معايا معجزة كبيرة اوى انا مش مصدقاها لغاية دلوقتى .. انا متجوزة بقالى 7 سنين بالظبط وماعنديش اطفال
وعملت حاجات كتير اوى عملت تلقيح صناعى وحقن مجهرى وبعدين فى يوم قريت قصة القديس مارك واتشفعت فيه وقولته لو ربنا ادانى هسمى على اسمك وبعدين لاقيت الصفجة دى بتنزل معجزات كتير اوى عن القديس مارك وانه بشفاعته ناس كتير ربنا اداهم اطفال وبعتله على الصفحة وقولتله اشمعنا بتدى لناس كتير ومش عاوز تدينى وبعدين نسيت الموضوع خالص وبعديها بفترة جوزى جه من الشغل وكان واحد صاحبه اداله كتاب القديس مارك واول ما جوزى دخل بالكتاب فى البيت وانا تعبت جداااا ومش عارفة عندى اية؟؟ وبعدين روحت اعمل تحليل حمل وانا عارفة ومتاكدة ان مافيش حاجة لكن وانا هناك بعمل التحليل افتكرت القديس مارك والكتاب والقصة وكل حاجة وقولتله انا لو طلعت حامل هطبعلك 100 كتاب واوزعوا علشان الناس كلها تعرفك وبعدين فعلا طلعت حامل ببركة القديس مارك بعد 7 سنين وباذن المسيح لو ربنا ادالى ولد هسميه مارك طبعا صلولى كتييييييييير
اسفة على التطويل بس كنت عاوزة الناس كلها تعرف
تعليقات
إرسال تعليق