خدمة اكثر البوستات انتشارا على مواقع التواصل الاجتماعى
حصلت معايا معجزة ولازم اقولها لأجل مجد الله وشفاعة الام ايرينى اللى بتشفع من غير حد ما يطلب شفاعتها .....
انا صاحب محل تجارى و فى يوم الصبح بعد ما فتحت المحل وشغلت القداس لقيت شخصين داخلين عليا وبيطلبوا رخصة المحل رديت عليهم قلتلهم انا لسه شغال فى استخراج الرخصة لكن معايا البطاقة الضريبية وفى اثناء وانا باجيب البطاقة من درج المكتب ( وخلفى صورة الأم ايرينى على لوحة المفاتيح ) لقيت واحد منهم واقف قدامى ومركز جدا فى صورة الام ايرينى لدرجة انه مرفعش عينه عنها خالص ....
وفوجئت الشخص الثانى بيفتش فى البضاعة فى هذه اللحظة ادركت انهم مفتشين تموين يعنى أقل قضية يعملوها سلعة مجهولة المصدر وغالبا الحكم فيها بيكون غرامة 500 جنية ومصادرة البضاعة المضبوطة ونشر الحكم فى احدى الجرائد الرسمية .....
و اذ بالشخص الثانى اللى بيفتش فى البضاعة بيقول للشخص اللى واقف قدامى ولسه مركز فى الصورة ... يالا ياريس ... وهو مش معاه خالص ومركز فى صورة الام ايرينى لدرجة انه كرر عليه نفس الجملة اكتر من مرة
فرد عليه الريس اللى مركز فى الصورة بنفس اللفظ :
......... لأ ياللا بينا .. اما مقدرش اعمل حاجة وصورة الست ده هنا .. وشاور بصباعه على صورة الام ايرينى وكرر الجملة مرتين ومشى من غير مايعمل اى حاجة
بعد ما مشى وقفت فى حالة ذهول لمدة 10 دقائق مش عارف ايه اللى حصل وكل ده بشفاعة وبركة الأم ايرينى تكون معنا .... أميـــــــــــــن ....
تعليقات
إرسال تعليق