بالفيديو معجزة ظهور المسيح بأكليل شوك داخل اجتماع ابونا مكاري وتصفيق حار جدا من الحضور وفرحة بالاجتماع

خدمه اكثر المنشورات انتشارا

"ايه اللي رماك ع المر ياتواضروس انك تتبهدل في اخر ايامك تتضرب وتتهان استسلم وارجع نام في بيتك وسط مراتك واولادك ولما تموت تبقى تموت موتته ربنا زي بقية الخلق حيجرى ايه يعني؟ استسلم دلوقتي وبعديها ارجع ده ربنا حنين اوي وياما بيسامح"

تفتكروا كان الشيطان ممكن يفكر التفكير ده ويقعد يزن عشان ينتصر بس الغريب انه فشل فشل زريع قدام تواضع انسان بسيط اسمه تواضروس يوسف تواضروس كان راجل كبير في السن انسان بسيط عنده 3 اولاد وكان عايش في بيت بسيط في قريه العور كان معروف عنه الهدوء وقلة الكلام لدرجة انهم لقبوه بالراهب الصامت كان معروف عنه حبه للصلاه ورشم الصليب وكان يجمع كل افراد اسرته ويصلوا مع بعض وكان بيرشمهم بعلامة الصليب وعلى كل جدران البيت عشان ربنا يبارك ساب بيته وسافر ليبيا عشان لقمة العيش ويقدر يربي اولاده ويسدد احتياجاتهم اشتغل في ليبيا عامل بسيط بس اوعوا تفتكروا انه نسى ربه ابدا بالعكس تواضروس اللي كان في مصر هو هو اللي في ليبيا وعلى الرغم من الاضطرابات اللي حصلت وسيطرة داعش لا خاف ولا اتهز بل على العكس كان ثابت في مكانه وسط اخواته ومستنين حكم ربنا وفعلا ربنا اختاره مع اخواته التانين وحطهم في اختبار لمده 45 يوم ومحاولات من عدو الخير انهم يرجعوا بسلام بس بشرط انهم ينكروا الإيمان مره باللين ومره بالشده والتعذيب لكنهم فشلوا وسقطوا قدام بساطة انسان بسيط سلم حياته وكل شئ لربنا

"عشان كده ربنا اختار بسطاء العالم ليخزوا أقوياء العالم"