بالفيديو معجزة ظهور المسيح بأكليل شوك داخل اجتماع ابونا مكاري وتصفيق حار جدا من الحضور وفرحة بالاجتماع

قول اسحق يونان روحنا دير القديس اسطفانوس بالحبشة بجوار منابع النيل وهو دير للرجال ولا يزوره سوي الرجال فقط..وهناك بيعيش الرهبان في حياة اقل من كلمة بسيطة وتقشف وفقر اختياري والكلام اللي اتعودنا عليه ده..يكفي ان قلاية الراهب عبارة عن خيمة من الصاج ومفيهاش ولا كهرباء ولا ماية والدير لا فيه مطبخ ولا فرن ولا اي حاجه..الدير عبارة عن غابة كبيرة وعادي ان الراهب يلاقي نمر معدي او قرد بيطنطط علي الشجرة او تعبان بيزحف وسط الغابة..بيعتمدو في أكلهم علي تجفيف الموز وطحنه ولما يعطش ينزل يجيب احتياجه من المايه من النيل.. المهم الصورة حكايتها ان الرهبان صمموا علي غسيل ارجلنا وسط رفض شديد من كل المجموعة وكان بيقودنا نيافة الأنبا بيمن اسقف نقادة..ويكاد يكون بالعافيه صمموا انهم يغسلوا رجلنا في مشهد تواضع عجيب.. وبقيت أقول للمترجم يقولهم احنا فعلاً مش محتاجين نغسل أرجلنا ..كان ردهم ان هما اللي محتاجين ياخدو بركتنا..والاكبر من كده بعد غسل الارجل بيصمموا يلبسوا الشخص الشراب ويقبلوا رجليه(فعلاً بيبوسو رجلين الشخص)
اللي عرفناه منهم ان هما اتعودوا يشوفوا المسيح في اي شخص حتي لو كان مختلف عنهم في اللون او الجنسية..وهما بيغسلوا رجلين المسيح وبيبوسو رجلين المسيح بفرح وتواضع عجيب...ربنا يدينا ان احنا نشوف المسيح في كل شخص نقابله ويكون عندنا التواضع اننا نقدر نخدم الناس بفرح