مرحباً بك بموقع الاخبار القبطية

اللي حصل معانا اكتر من معجزه ف الحادثة دي للبطل مارجرجس ولازم اشهدله بيها طول عمري

مكنتش حابه احكي ف الحادثة دي لأَنِّي بحاول أنساها بس اللي حصل معانا اكتر من معجزه ف الحادثة دي للبطل مارجرجس ولازم اشهدله بيها طول عمري ❤️
من يومين واحنا راجعين من المصيف عند مدخل سمالوط نفاجي ان كوتش العربيه بيطير وطبعا العربيه بتفقد توازنها وبتتقلب بينا وبتفضل زاحفة علي الأسفلت حوالي ٣٠ متر وهي مقلوبه و مفيش علي لساني غير كلمه " الحقنا يا مارجرجس" حاولنا كلنا نطلع وبعد م الناس يطلعونا نزلت عالاسفلت ولقيت إزاره الزيت دي ❤️ بس المعجزة بقي اننا كلنا طالعين بمجرد كدمات وجروح سطحيه من حادثه موت زي دي !! وكل الناس مستغربه اننا عايشين ! 
المعجزة التانيه بيحكيها ونش الإنقاذ اللي مفيش ٥ دقايق لقيناها موجود ! : بيحكلنا " انا شوفتكم ف الريست وكنت هنام ساعتين وهصحي اكمل بس لاقيت زي مايكون حد بيصحيني وفايق كأني نمت يومين !! صحيت وكملت مشواري الاغرب بقي أني بقالي ٥ سنين مَش بمشي من الطريق ده ومش عارف ايه اللي خلاني مشيت منه غير ان ربنا كان باعتني ليكم " 
ف الوقت اللي كنّا شايفين ان ربنا مَش سامعنا هو نفسه الوقت اللي لمسنا عمله 
شكرا يارب
شكرًا مارجرجس
شكرا انبا كاراس