#عاجل الاعتداء بالضرب على مينا حبيب واسرته على يد بلطجيه فى #المرج
مينا حبيب 31 سنة من المرج متجوز وعنده ولدين اللي حصل ان فيه مجموعة بلطجيه موجودين عند قصر الاميرة نعمة بالمرج قرروا يستهدفوا الشارع المجاور لسور القصر وده وكر لتجارة المخدرات و#الشرطة للاسف عارفه كدا ومقبضتش عليهم لحد دلوقتي المهم هما قرروا يهجموا على بيوت الاهالي ويعملوا مشاكل معاهم وفي فجر يوم الاربعاء اللى فات قام مجموعه من البلطجيه بأقتحام منزل مينا حبيب وعملوا مشاكل مع عائلته ولما خرج مينا واهله عشان يعرفوا ايه السبب نزلوا البلطجية على مينا بالضرب المبرح بالعصيان وهجوم بالطوب الخرطوش علي اهل مينا وضربوا مينا على راسه وحصله نزيف ف المخ وهو دلوقتي في العنايه المركزه ارجوكم نصلي من اجل مينا هو في حاله حرجة جدا مينا كل الناس بتشهدله على انه قلبه طيب ومحترم وما بيشتمش ولا بيتخانق مع حد وفي حاله والسؤال هنا فين #الدوله من اللى بيحصل ؟ فين #الأمن ؟ ازاي البلطجية دول معروفين من الشرطة وما اتقبضش عليهم !! وفين حق مينا ؟
#شييييييير عشان حق مينا يرجع
تعليقات
إرسال تعليق