كان هناك طالبة بأحدى الكليات وكانت دائمة التهريج داخل المحاضرات وفى ذات مرة نظرت لها الدكتورة وسألتها عن اسمها فقالت الطالبة اسمها فقالت لها الدكتورة لن تنجحى لازم لما تكونى فى المحاضرة بتاعتى تكونى ملتزمة فخافت البنت اوى.
ومرت الايام . والبنت دخلت الأمتحانات وحلت . وفضلت خايفه اوى لحسن الدكتورة تسقطها بجد فى الامتحان زى ما قالت.
فضلت البنت كتير وكان معها كتاب من معجزات البابا كيرلس صدق ولا بد أن تصدق
فبصت للصورة وقالتها ياسيدنا انا عارفه انى غلطت بس متخليهاش تشيلنى المادة
ونامت البنت وفى الحلم شافت البابا كيرلس ماسك ورقة الأمتحان بتاعتها وعمال يصحح فيها ويقولها يا بنتى ما انتى حليتى صح اهو . وديه كمان صح . وديه صح .
شاطرة يا بنتى نجحتى خلاص.
وراحت يوم النتيجة لقت نفسيها نجحت . وشافتها الدكتورة وقالتها اسمك ايه صحيح . قالتلها فلانة . ردت الدكتورة وقالت تصدقى وانا بصحح الورق حاولت افتكر اسمك وفضلت ادور على الورقة الى فيها اسمك مش لقيتها ولا افتكرت الأسم
فتأسفت البنت للدكتورة . ونجحت بس بموافقة وتصحيح سيدنا للورقة
تعليقات
إرسال تعليق