نشر الاب جوناثان رفعت بوست علي صفحته بموقع فيسبوك تحدث فيه عن حادثة وقعت بجوار بيته ظهرت فيها عظمة واهمية دعاء الانسان للرب في اثناء ضيقاته وحاجته واليكم القصة حصل حقيقي الساعه 3 الفجر تحت بيتي ولاني دور اول والدنيا هاديه فكان صوت المكالمه دي واضح اوي
الو معلش اسف اني بكلم حضرتك دلوقتي معلش ممكن يا حج 200 جنيه سلف لحد اول الشهر معلش انت عارف مصاريف المدرسه
(صمت)
حقك عليا يا حج اني بكلمك متاخر انا اسف اصل بس نزلت اكلمك في الشارع مكسوف اكلمك في البيت عندي مش عاوز البيت يحس اني بستلف
(صمت)
اه اصل في فلوس لازم تدفع الصبح بدري للمدرسه وصدقني مش معايا انا بس لو جيت تحت البيت وسيادتك رمتهوملي من البلكونه يبقي كتر خيرك
(صمت)
حاضر يا حج نص ساعه وابقي عندك كتر خيرك
وبعدها صوت بكا وقال(اشكرك يارب. ساعدني يارب اسدد اللي عليا يارب)
كميه الاحساس اللي حاسيته الوقت ده محصلشصرخه الفقير دي بتوجع اوي. احتياج الناس فوق طاقه اي حد بس انا ليه كتبت البوست ده علشان اكتر من حاجه
اول حاجه انك لازم تشكر انك عايش كويس
تاني حاجه كل شاب وشابه لازم تعرفوا ان ممكن اهلكوا ممكن يعملوا المستحيل علشان تعيشوا كويس فلازم انتوا كمان قصاد تعبهم تحافظوا علي نفسكوا وتجتهدوا في حياتكوا واللي تقدر عليه تعملوا اعمله انت وساعد بيه
بلاش ترهقوا نفسكوا في اقساط حاجات ممكن تستغنوا عنها زي مابنقول في القداس ليكون لنا الكفاف في كل خين نزداد في كل عمل صالح
في ناس تعبانه مش عارفينهم الموضوع مش اخوه رب وخدمه فقرا الموضوع بقي ممكن تشوف انسان كويس وعنده بيت وعربيه وبردو عنده احتياج قاسم وسطه ويتزل عشان يعرف يعيش
اخوه الرب مابقوش بس الناس اللي بجلاليب والمعدمين المحتاجين باقوا علي كل شكل ولون علي الاقل الفقير واخوه الرب بيروح ويقول ادوني انا محتاج لكن الوجع لما تلاقيه خادم مثلا ولا خادمه جوه خدمه اخوه الرب وتلاقيه محتاج ومايقدرش يقول. او اب شكله كويس لكن مايقدرش يروح لابونا يقوله انا محتاج فلوس علي المدارس او الاعياد. ماتتخدعش بالمظاهر لا مظهر الفقير اللي لابس وحش ويقولك مش معايا ولا منظر اللي لابس كويس لانه ممكن يكون فقير محتاج
احنا محتاجين نصلي وتقوله يارب حط في طريقنا الناس اللي مش ظاهره قصاد عيوننا حط فطريقنا الناس الموجوعه اللي مابتقدرش تقول اه ادينا روح افراز وتمييز
ادينا اننا نرحم بعض في الزمن الصعب ده
تعليقات
إرسال تعليق